AQOIDUL IMAN
Assalamualaikum baraya sadayana dulur-dulur abi anu ku abi dimulyakeun, sing sarehat raga sareng rasana tur salawasna aya dina rohmat na Allah. Dina weungian jumaah ieu abi parantos ngaos yasinan nya seperti biasana, abi bade nuliskeun syiiran dina basa Sunda anu eusina nyaritakeun sifat wajib, sifat mustahil, sareng sifat jaiz atawa weunang di Allah, sareng teu hilap abi sakanteunan ngadamel sifat wajib, sifat mustahil, sareng sifat jaiz ti Rasul, moal panjang-panjang bubuka na, mangga dibaca syiiran na.....
Ari Aqoidul Iman
Lima Puluh Kayakinan
Kanyahokeun Sing Enyaan
Mun Ngaku Jalma Beriman
Nu Dua Puluh Sifatna
Wajib Aya di Allah Na
Dua Puluh Nu Muhalna
Nu Jadi Lalawanana
Sifat Nu Jaiz Na Hiji
Jumlah Opat Puluh Hiji
Hak Allah Nu Maha Suci
Terasna ditambah Deui
Opat Nu Wajib di Rusul
Opat Nu Muhal di Rusul
Nu Wajibna Hiji Hungkul
Jumlah Salapan Nu Nyusul
Jadi Opat Puluh Hiji
Tambah Salapan Berarti
Jumlah Lima Puluh Pasti
Pek Sebutan Hiji Hiji
" Wujud Qidam Baqo Mukholafatu Lilhawadisi Qiyamuhu Binafsihi Wahdaniyat Qudrot Irodat 'Ilmu Hayat Sama' Bashor Kalam Qodiron Muridan 'Aliman Hayyan Sami'an Bashiron Mutakalliman "
Aya Hebeul Langgeung Beda Jeung Kabeh Nu Anyar
Jumeneung Kalawan Dzat na Hiji Allah Dina Dzatna
Hiji Na Sifatna Hiji Padameulanana
Kawasa Kersa Uninga Allah Nu Hirupna
Ngadangu Ningali Sasawuran Bukti Kawasa
Bukti Allah Kersa Uninga Allah Nu Hirupna
Bukti Nu Ngadangu Nu Ningali Nu Dadawuh
Jadi Sadayana Nu Wajibna Dua Puluh
" 'Adam Huduts Fana Mumatsalan Lilhawadis Ihtiyaj Ta'dud 'Ajzun Wa Karohah Jahal Maut Shomam 'Umyun Bukmun Kaunuhu 'Ajizan Karihan Jahilan Mayyitan Ashom A'ma Abkam "
Eweuh Anyar Ruksak Sarupa Rejeung Nu Anyar
Butuh Kana Tempat Jeung Butuh Kanu Ngayakeun
Bingbilangan Dzatna Sifatna Rejeung Dameulna
Apeus Kapaksa Bodo Maot Torek Lolongna
Pireu Bukti Allah Anu Apeus Anu Kapaksa
Anu Bodo Maot Torek Lolong Jeung Pireuna
Weunang Ti Allah Na Midameul Barang Nu Mumkin
Ta aya Anu Wajib Midameul Barang Nu Mumkin
" Shiddiq Amanah Tabligh Fathonah
Kidzib Khianat Kitman Biladah "
Bener Kapercaya Ngadugikeun Rejeung Pinter
Bohong Cidera Jeung Nyumputkeun Tur Bodona
Weunang Di Rasulna Sifat Manusia Biasa
Kaya Tuang Leeut Angkat Kuleum Sajabana
Alhamdulillahirobbil 'alamin, sakitu anu kapihatur nyuhunkeun komentar na bilih bin bisi aya salah anu ku abi dituliskeun, kirana eta anu wajib ceuk agama pikeun setiap jalma mukallaf ngayahokeun kana anu ditulis diluhur, tulisan salajeungna engkin nyusul tentang kawajiban urang sadaya ngayahokeun kana nasab na Rasullah Muhammad S.A.W. tina jihat bapak sareng ibu na. Wassalamualaikum
NB : Jika ada yang mau request kedalam bahasa Indonesia terkait syairan sifat wajib, mustahil dan jaiz bagi Allah serta sifat wajib, mustahil dan jaiz bagi rasul silahkan hubungi saya melalui email : kangrifki296@gmail.com
Cocok nih buat materi lomba pidato. Hatur nuhun Mang Rifki. Ditunggu tulisan-tulisan berikutnya.
BalasHapusMuhun mang sami-sami, engkin ingsya allah abi bade nulis deui, piduana mugia barokah
Hapus